06 مارچ ، 2012 
فیصل آباد کی صنعتوں کو گیس کی فراہمی میں ایک روز کا اضافہ
06 مارچ ، 2012
فیصل آباد … فیصل آباد کی صنعتوں کو گیس کی فراہمی میں ایک روز کا اضافہ کردیاگیا اب صنعتی اداروں کو ہفتہ میں دو کی بجائے تین روز کیلئے گیس ملے گی ۔ اس حوالے سے نیا شیڈول جاری کردیاگیا ہے۔سوئی نادرن گیس پائپ لائن کی طرف سے جاری شیڈول کے مطابق فیصل آباد کے صنعتی اداروں کو اب ہفتہ وار دو کی بجائے تین روز کیلئے گیس فراہم کی جائے گی۔ نئے شیڈول کے مطابق اب صنعتوں کو 5 مارچ کی صبح دو روز کیلئے بحال کی جانیوالی گیس اب 7 مارچ کی بجائے 8 مارچ کی صبح چھ بجے چار روز کیلئے بند کی جائے گی۔ دوسری طرف صنعتکاروں کا کہنا ہے کہ گیس لوڈشیڈنگ سے اربوں روپے کے پیدواری نقصان کا سامنا ہے ، سردی ختم ہونے سے گیس کا استعمال کم ہوگیا ہے اسلئے حکومت صنعتوں کو ہفتہ میں کم از کم پانچ روز کیلئے گیس فراہم کرے۔
مزید خبریں :
انٹربینک میں ڈالر کی قدر میں کمی
07 فروری ، 2025
پاکستان میں سونا مزید مہنگا، 3 لاکھ روپے تولہ سے تجاوز کرگیا
07 فروری ، 2025
