پاکستان
25 اپریل ، 2013
25 اپریل ، 2013 
نواز شریف پہلی گیند پر آوٴٹ ہونے کے ڈر سے سامنے نہیں آتے، عمران خان
25 اپریل ، 2013
پاکپتن … تحریک انصاف کے چیئرمین عمران خان نے کہا ہے کہ نواز شریف ان کے سامنے اس ڈر سے نہیں آتے کہ وہ پہلی گیند پر ہی آوٴٹ ہوجائیں گے۔ پاک پتن میں انتخابی جلسے سے خطاب میں عمران خان نے کہا کہ میٹرو بس منصوبے کی جگہ بجلی کے منصوبوں پر پیسہ خرچ کیا گیا ہوتا تو پنجاب میں آج 18، 18 گھنٹے لوڈشیڈنگ نہ ہوتی۔ عمران خان کا کہنا تھاکہ نوازشریف نے ہر مشکل وقت میں صدر زرداری کا ساتھ دیا اور اب لوگوں کو پیپلزپارٹی کے دوبارہ اقتدار میں آنے سے ڈرا رہے ہیں۔ عمران خان نے کہا کہ ملک میں مہنگائی اور بے روزگاری کی وجہ کرپشن ہے، ان کا وعدہ ہے کہ کرپشن ختم کرکے ایسے خوشحالی لائیں گے کہ دوسرے ممالک سے لوگ روزگار کی تلاش میں پاکستان آئیں گے ۔
