23 جولائی ، 2013 
اسلام آباد آگیا ہوں، کسی نے گرفتار کرنا ہے تو کرلے،یوسف گیلانی
23 جولائی ، 2013
اسلام آباد…سابق وزیراعظم اور پاکستان پیپلز پارٹی کے سینئر وائس چیئرمین سید یوسف رضاگیلانی نے کہا ہے کہ اگر کسی نے مجھے گرفتار کرنا ہے تو میں اسلام آباد آگیا ہوں یہاں گرفتار کرلیا جائے خرچہ بھی بچ جائے گا ۔ منگل کو پیپلز پارٹی اور دیگر اپوزیشن جماعتوں کے صدارتی انتخابات کے حوالے سے اجلاس کے موقع پر میڈیا سے بات چیت کرتے ہوئے انہوں نے کہا کہ کسی کو اگر مجھے گرفتار کرنے کا شوق ہے تو میں اسلام آباد آگیا ہوں گرفتار کرلے۔ انہوں نے کہا کہ یہ کہا جارہا تھا کہ پنجاب حکومت میری گرفتاری میں تعاون نہیں کررہی اس لئے میں خود اسلام آباد آیا ہوں۔ ان کا کہنا تھا کہ میں کسی ادارے کے سامنے پیش نہیں ہوں گا، میں نے صدر آصف علی زرداری کے استثنیٰ کا دفاع کیا تھا تو اپنا دفاع بھی بھرپور انداز میں کروں گا، مجھے صرف پارلیمنٹ ہی طلب کرسکتی ہے ۔
مزید خبریں :
گرمی میں جھلستے کراچی میں سردی کا آغاز کب سے ہوگا؟
2 گھنٹے پہلے
ملک گیر انسداد پولیو مہم کا آغاز آج سے ہوگا
3 گھنٹے پہلے
