15 نومبر ، 2013 
کراچی سمیت ملک میں موبائل فون سروس بحال ہونا شروع
15 نومبر ، 2013
کراچی…کراچی سمیت ملک کے مختلف شہروں میں موبائل فون سروس بحال ہونا شروع ہوگیا ہے ،کراچی میں اکثروبیشترموبائل فون کمپنیوں کی سروس بحال ہوچکی ہے۔دریں اثناء اندرون سندھ کے مختلف علاقوں میں بھی موبائل فون سروس کی بحالی شروع ہوگئی ، نوابشاہ اور دادو میں سب سے موبائل فون سروس بحال ہوئی۔جبکہکوئٹہ شہر میں پندرہ گھنٹے موبائل فون سروس بند رہنے کے بعد بحال ہوگئی۔واضح رہے کہ کوئٹہ میں یوم عاشور کے موقع پرسیکورٹی خدشات کے پیش نظر موبائل سروس صبح پانچ بجے بند کردی گئی تھی ۔ جو تقریبا پندرہ گھنٹے بند رہنے کے بعد رات آٹھ بجے بحال کردی گئی۔ کوئٹہ کے علاوہ صوبے کے دیگر علاقوں میں موبائل سروس بند نہیں کی گئی۔یاد رہے کہ حکومت نے محرم الحرام کے موقع پر موبائل فون سروس سیکیورٹی خدشات کے باعث بند کردی تھی۔
مزید خبریں :
