05 دسمبر ، 2013 
پاکستان میں 79 فیصد افراد ناخواندہ ہیں، یونیسکو
05 دسمبر ، 2013
نیو یارک… اقوامِ متحدہ کے ادارے یونیسکو نے کہاہے کہ پاکستان میں 79 فیصد افراد ناخواندہ ہیں اور شرحِ خواندگی کے لحاظ سے پاکستان دنیا میں 180ویں نمبر پر ہے۔سرکاری خبر رساں ادارے کے مطابق یونیسکو کی رپورٹ میں 2012 میں 221 ممالک میں عوام کی تعلیمی حالت کا جائزہ لیا گیا ہے۔ رپورٹ کے مطابق پاکستان میں سب سے زیادہ ناخواندہ افراد کی عمر 15 سے 24 برس کے درمیان ہے اورسب سے زیادہ شرحِ خواندگی 55 سے 64 برس عمر کے افراد میں ہے۔ رپورٹ کے مطابق شرحِ خواندگی میں پاکستان جنوبی ایشیا میں صرف افغانستان اور بنگلہ دیش سے اوپر رہا۔ 2012 میں 70 لاکھ طلبہ اسکول اور کالج جا رہے تھے جن میں سے 29 لاکھ پرائمری اسکول، 26 لاکھ سیکنڈری اسکول اور 15 لاکھ کالج یا یونیورسٹی میں زیر تعلیم تھے۔ یونیسکو کاکہنا ہے کہ پاکستان میں صرف تین فیصد طلبا ء کالج تک پہنچ پاتے ہیں،جن میں سے صرف ایک فیصد گریجویشن کر پاتے ہیں۔
مزید خبریں :
’میرا خیال ہے مائنس عمران خان ہی ہوگیا ہے‘: علیمہ خان
12 گھنٹے پہلے
ڈنمارک سفارت خانےکے 3 رکنی وفد کی اڈیالہ جیل آمد
24 جون ، 2025
