کراچی…کراچی پولیس چیف نے سیاسی جماعتوں کو عسکری ونگ ختم کر کے ملزمان کو پولیس کے حوالے کرنے کا الٹی میٹم دے دیا،ورنہ ان کے نام کی فہرست جاری کر دی جاے گی،کراچی میں تین ماہ سے جاری آپریشن پر کراچی پولیس چیف نے اطمینان ظاہر کر دیا ،ان کا کہنا تھا،کراچی میں جرائم اور قتل و غارت گری 20 سال سے جاری ہے ،مکمل ختم ہونے میں وقت لگے،ابھی تو صرف تین ماہ ہی گذرے ہیں۔ شاہد حیات کا کہنا تھاکہ آپریشن کے دوران 160 پولیس اہلکاروں نے جام شہادت نوش کیا ،پولیس کے لیے کوئی نو گو ایریا نہیں ہم عزیز آباد ،لیاری اور سہراب گوٹھ سمیت مختلف علاقوں میں کارروائیاں کر رہے ہیں۔آپریشن سے قبل بھتہ کے 608 کیس تھے جن میں کافی حد تک کمی آئی ہے۔کراچی میں منشیات کا سب سے بڑا کاروبار ہے ،جسے ختم کر دیں گے،ہماری کارروائیاں سب کے سامنے ہیں ،جن کے خلاف ثبوت نہیں انھیں چھوڑ دیتے ہیں۔آپریشن کے دوران کوئی سیاسی دباوٴ نہیں تاہم ان کا کہنا تھا کہ سیاسی جماعتیں ہم سے تعاون کریں اور ان میں موجود عسکری ونگ ختم کر کے ملزمان کو ہمارے حوالے کریں ورنہ ان کی فہرست شائع کر دی جائے گی۔پولیس چیف کا کہنا تھا کہ پولیس میں شامل کالی بھیروں کے خلاف بھی کارروائی کی جائے گی جو جرائم کی سرپرستی میں ملوث ہیں تاہم چودھری اسلم اور ڈی ایس پی جاوید عباس پر الزامات سے متعلق انہوں نے کہا کہ وہ ان کے دائرہ اختیار میں نہیں ۔