09 دسمبر ، 2013 
امریکی وزیردفاع سے ملاقات میں وزیر اعظم کاڈرون حملوں پر اظہار تشویش
09 دسمبر ، 2013
اسلام آباد… وزیراعظم نواز شریف نے امریکی وزیر دفاع چک ہیگل سے ملاقات میں ڈرون حملوں پر تشویش کا اظہار کرتے ہوئے کہا ہے کہ ڈرون حملے نقصان دہ ہیں اور ان سے دہشت گردی کے خاتمے کی حکومتی کوششوں کو نقصان پہنچ رہا ہے۔ وزیراعظم ہاؤس میں ہونے والی ملاقات میں نواز شریف کا کہناتھا کہ امریکا کے ساتھ دفاعی شعبے میں وسیع البنیاد اور طویل المدتی تعلقات چاہتے ہیں۔توانائی، دفاع ، سیکورٹی ، ایٹمی عدم پھیلاؤ اور خطرناک ہتھیاروں کے خاتمے سے متعلق گروپس کے اجلاس جلد ہوں گے۔ نواز شریف نے کہا کہ پرامن، مستحکم اورمتحد افغانستان چاہتے ہیں۔ امریکی وزیر دفاع چک ہیگل نے کہا کہ افغانستان میں جاری مفاہمتی عمل میں پاکستان کے کردار کو تسلیم کرتے ہیں، پاکستان کا خطے میں سلامتی اور افغانستان میں امن کے قیام کے لیے کردار قابل تعریف ہے، دہشت گردی کے خلاف پاکستان کی قربانیوں کو خراج تحسین پیش کرتے ہیں۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
