21 جنوری ، 2014 
ایس ایس پی چوہدری اسد کو اپنے ہی خلاف اغواء کا مقدمہ درج کرنیکا حکم
21 جنوری ، 2014
کراچی…سندھ ہائی کورٹ نے ایس ایس پی چوہدری اسد کو اپنے ہی خلاف اغواء کا مقدمہ آج ہی درج کرنیکا حکم دیدیا۔ کراچی کے علاقے پیر آباد کے رہائشی حیدر علی کے اغواء کے مقدمہ کی گزشتہ سماعت پر عدالت نے حکم دیا تھاکہ ایس ایس پی چوہدری اسد ، ایس ایچ اوپیر آباد معیدخان ، پولیس اہلکار محبوب کلہوڑو ، طاہر اور سلطان کے خلاف اغواء کا مقدمہ درج کیا جائے ، درخواست گزار نے موقف اختیار کیا تھا کہ حیدر علی کو تھانا پیر آبادکی پولیس موبائل نمبر ایس پی 7062 میں اہلکاروں نے اٹھایا اور غائب کردیا ۔عدالتی حکم کے باوجود پولیس اہل کاروں کے خلاف مقدمہ درج نہیں کیا گیا ۔ عدالت میں طلب کرنے پر چوہدری اسد نے آج ہی مقدمہ درج کرنے کی یقین دہانی کرا ئی جس پر سماعت 27 جنوری تک ملتوی کردی گئی ۔
مزید خبریں :
