29 جنوری ، 2014 
ماہر تعلیم و دانشور پروفیسر لئیق احمدخان کے انتقال پر الطاف حسین کی تعزیت
29 جنوری ، 2014
لندن…متحدہ قومی موومنٹ کے قائد الطاف حسین نے ممتاز ٹی وی کمپیئر، ماہر تعلیم اور دانشور پروفیسر لئیق احمد خان کے انتقال پر گہرے رنج و غم کا اظہار کیا ۔ ایک بیان میں الطاف حسین نے کہا کہ پروفیسر لئیق احمد خان کا شمار سرکاری ٹیلیویژن کے اولین کمپیئر میں ہوتا ہے ، علمی ادبی میدان میں انکی خدمات کو ہمیشہ یاد رکھا جائے گا ۔ الطاف حسین نے مرحوم کے تمام سوگوار لواحقین سے دلی تعزیت و ہمدردی کا اظہار کرتے ہوئے انہیں صبر کی تلقین کی اور کہا کہ دکھ کی اس گھڑی میں مجھ سمیت ایم کیو ایم کے تمام کارکنان آپ کے غم میں برابر کے شریک ہیں ۔ الطاف حسین نے دعا کی کہ اللہ تعالیٰ پروفیسر لئیق احمد خان کو اپنی جوار رحمت میں اعلیٰ مقام عطا فرمائے اور سوگوار لواحقین کو صبر جمیل عطا کرے ۔(آمین)
