08 فروری ، 2014 
جماعت اسلامی کا نج کاری کے خلاف ملک گیر تحریک کا اعلان
08 فروری ، 2014
اسلام آباد…جماعت اسلامی کے سیکریٹری جنرل لیاقت بلوچ نے نج کاری کے خلاف ملک گیر تحریک کا اعلان کردیا ہے اور ملک بھر میں لیبر یونین سے رابطے کرکے نج کاری کے خلاف پہیہ جام کرنے کی حکمت عملی بنانے کا اعلان کیا ہے۔اسلام آبادمیں نج کاری کے خلاف سیمینار سے خطاب میں ان کا کہنا تھاکہ ملک بھر میں 100پوائنٹس بنائے جائیں گے جہاں سے ضرورت پڑنے پر ملک بھر میں پہیہ جام ہوسکے گا، ملک بھر کی تمام لیبر یونین سے بلا سیاسی امتیاز ملاقات کی جائے گی اور نج کاری کے خلاف ہر لیبر یونین کا ساتھ دیں گے۔ لیاقت بلوچ نے کہا کہ نج کاری ملک کے مستقبل سے کھیلنے کے مترادف ہے، کوئلے کی کان پر نواز شریف اور آصف زرداری کا اکھٹا ہونا کسی نئے بحران کا پیش خیمہ ہے، سرکاری اداروں کو فعال بنانے کے لیے کرپشن ختم کی جائے اور اداروں کی بحالی کے لیے امدادی قطرے پلانے کی بجائے باقاعدہ بزنس پلان مرتب کیے جائیں۔
