09 فروری ، 2014 
آئی ایم ایف ہماری کارکردگی سے پوری طرح مطمئن ہے، اسحاق ڈار
09 فروری ، 2014
دبئی …وزیر خزانہ اسحاق ڈار نے کہا ہے کہ آئی ایم ایف سے مذاکرات کامیاب رہے،ہماری حکومت کی کارکردگی سے عالمی ادارہ مطمئن ہے،سرکولر ڈیٹ ختم ہو رہا ہے، لوڈشیڈنگ کے معاملات بھی بہتر ہو جائیں گے۔ دبئی میں مذاکرات کے بعدآئی ایم ایف حکام کے ہمراہ پریس کانفرنس کرتے ہوئے انہوں نے کہا کہ آئی ایم ایف ہماری کارکردگی سے پوری طرح مطمئن ہے، ملک میں توانائی کا بحران ہے، لوڈشیڈنگ شیڈول کے مطابق ہورہی ہے۔ وزیر خزانہ کا کہنا تھا کہ موسمیاتی تبدیلی کے ساتھ ہی لوڈ شیڈنگ کے معاملات بہتر ہوجائیں گے،200یونٹ تک بجلی استعمال کرنے والوں کیلئے بجلی مہنگی نہیں کی گئی، مختلف شعبوں کو 151 ارب روپے کی سبسڈی دے رہے ہیں۔ انہوں نے کہا کہ بجلی کی چوری روکنے کیلئے سخت اقدامات کررہے ہیں،بجلی کی چوری اورلیکج دونوں 27 فیصد تک ہے، 4 سال میں ساڑھے4 ہزار میگاواٹ بجلی سسٹم میں شامل کریں گے ۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
