25 فروری ، 2014 
پینٹاگون کا امریکی فوج کی تعداد 70 سے 80ہزار کم کرنے کا منصوبہ
25 فروری ، 2014
واشنگٹن…امریکی فوج کا حجم دوسری جنگ عظیم سے قبل جتنا ہوجائے گا ۔امریکی وزارت دفاع پینٹاگون نے فوج کی تعداد میں کمی کے منصوبے کا فیصلہ کیا ہے جس کے تحت امریکی فوج کا حجم دوسری جنگ عظیم سے قبل جتنا ہوجائے گا۔غیر ملکی خبر ایجنسی کے مطابق امریکی وزیر دفاع چک ہیگل نے سفارش کی ہے کہ امریکی لڑاکا فوج کی تعداد 5 لاکھ 20 ہزار سے کم کر کے 4 لاکھ 40 ہزار سے4 لاکھ 50 ہزار کے درمیان لائی جائے۔امریکی وزیر دفاع نے کہا ہے کہ افغانستان اور عراق جنگ کے بعد ملٹری لیڈرز کے پاس بڑی اور طویل فوجی کارروائیوں کاکوئی منصوبہ نہیں ہے۔اگر کانگریس نے فوج میں کمی کی منظوری دی تو امریکی فوج کی تعداد 1940ء میں دوسری جنگ عظیم جتنی ہوجائیگی۔امریکی وازرت دفاع کے ایک عہدیدار نے نام ظاہر نہ کرنے کی شرط پر بتایا ہے کہ منصوبے کے تحت 2017 تک امریکی فوج میں 13 فیصد کمی کی جائے گی۔
مزید خبریں :
کولمبیا کے صدارتی امیدوار قاتلانہ حملے میں شدید زخمی
5 گھنٹے پہلے
امریکا کی ایران پر نئی پابندیاں، ایران کا ردعمل بھی آگیا
07 جون ، 2025
