دنیا
02 مارچ ، 2014
02 مارچ ، 2014 
چین میں ریلوے اسٹیشن پر چاقوبردار گروپ کا حملہ، 29 افراد ہلاک
02 مارچ ، 2014
بیجنگ…چین کے صوبے یون نان کے ریلوے اسٹیشن پرچاقووٴں سے لیس افراد نے حملہ کرکے29افراد کو ہلاک اور 110 سے زائد کو زخمی کردیا۔چینی خبر رساں ادارے کے مطابق ہفتے کی رات سیاہ لباس پہنے افراد نے کن منگ اسٹیشن پر دھاوا بول دیا۔ حملہ آوروں نے پلیٹ فارم پر موجود شہریوں پر چاقووٴں سے اندھا دھند وار کیے۔ حملے کے بعد اسٹیشن پر افراتفری پھیل گئی اور ہر طرف چیخ وپکار مچ گئی۔ چینی حکام نے واقعے کو دہشت گردی کی منظم کارروائی قرار دیا ہے اور کہا ہے کہ اس میں سنکیانگ کے علیحدگی پسند ملوث ہیں۔ مقامی ٹی وی کے مطابق متعدد حملہ آوروں کو پولیس نے فائرنگ کرکے ہلاک کردیا۔
