04 مارچ ، 2014 
ایشیا کپ ،بنگلہ دیش کا پاکستان کوجیت کیلئے 327رنز کا ہدف
04 مارچ ، 2014
میرپور، ڈھاکا…ایشیا کپ کرکٹ کے آٹھویں میچ میں بنگلا دیش نے پاکستان کو میچ جیتنے کیلئے 327رنز کا ہدف دیا ہے،بنگلہ دیش کی جانب سے پاکستان کے خلاف بنایا جا نے والا اب تک کا سب سے بڑامجموعہ ہے،جب کہ موجودہ ایونٹ کا بھی سب سے بڑا مجموعہ ہے۔بنگلہ دیش کے ابتدائی بیٹسمینوں نے آج پاکستانی بولنگ کے خلاف شاندار کارکردگی کا مظاہرہ کیا،انعام الحق 100،امرالقیص59،مومن الحق51اور کپتان مشفق الرحمان51رنز بنانے میں کامیاب رہے جبکہ پابندی کے خاتمے کے بعد ٹیم میں شامل ہو نے والے شکیب الحسن نے صرف16گیندوں پرنا قابل شکست 44رنز بنائے جس میں6چوکے اور2چھکے شامل تھے۔پاکستان کی جانب سے عمر گل اور محمد طلحہ مہنگے ترین بولر رہے،عمر گل نے10اوورز میں76اور محمد طلحہ نے7اوورز68دیئے،سعید اجمل اور شاہد آفریدی کی بھی خوب پٹائی ہو ئی اور دونوں نے بالترتیب61اور64رنز دیئے۔
