کراچی… سندھ حکومت کی جانب سے لبیک یا رسول اللہ کانفرنس میں رکاوٹ بر داشت نہیں کی جائے گی۔سندھ حکومت نے اگر کانفرنس کے انعقاد میں کو ئی مشکلات پیدا کی تو کانفرنس وزیر اعلیٰ ہاؤس کے باہر منعقد کی جائے گی ۔ 16مارچ کو ہونے والی ”لبیک یا رسول اللہ (ص)کانفرنس“سندھ دھرتی کی محب و طن عوام کا تاریخی اجتماع ہوگا ۔ان خیالات کا اظہار مجلس و حدت مسلمین کے صوبائی سیکر ٹری جنرل علامہ مختار امامی نے وحدت ہاؤس کراچی میں صوبائی اور ڈویثرنل کابینہ کے اجلاس میں کیا اس موقع پر حسن ہاشمی، علامہ علی انور،علامہ مبشر حسن ،علی حسین نقوی ،عالم کر بلائی ،حیدر زیدی ،ناصر حسینی ،یعقوب حسینی ،آصف صفوی سمیت پانچوں اضلاع کے نمائندگان موجود تھے اُن کا کہنا تھا لبیک یا رسول اللہ کانفرنس 16 مارچ کو ممتاز اسٹیڈیم خیرپور میں منعقد کی جائیگی،کراچی سمیت سندھ بھر سے قافلے 15 مارچ کی شب سے خیرپور پہنچنا شروع ہو جائیں گے اس حوالے سے عوامی رابطہ مہم کا با قائدہ آغاز کر دیا گیا ہے۔انھوں نے و زیر اعلیٰ کومتنبہ کیا کہ سکھر انتظامیہ کی جانب سے کانفرنس کے انعقاد میں رکاوٹیں ڈالنے کی کوششیں کی جارہی ہیں، حکومت اس جانب توجہ دے ،اورسکھر انتظامیہ کے خلاف فوری کاروائی کرے اور دہشتگردی کے خلاف اس عظیم کانفرنس کے انعقاد میں اپنا بھر پور تعاون کرے۔