15 مارچ ، 2014 
ایکنک کا اجلاس، اسلام آباد پنڈی میٹرو بس منصوبہ منظور
15 مارچ ، 2014
اسلام آباد…ایکنک کے اجلاس میں اسلام آباد راول پنڈی میٹرو بس سروس کا منصوبہ منظور کرلیا گیا ہے جبکہ 735ارب روپے مالیت کا داسو ہائیڈرل منصوبہ زیر غور نہ آسکا ہے۔ اسلام آباد میں قومی اقتصادی کونسل کی ایگزیکٹو کمیٹی ایکنک کے اجلاس کی صدارت وزیر خزانہ اسحاق ڈار نے کی۔ اجلاس میں اسلام آبادراول پنڈی میٹرو بس سروس کا منصوبہ منظور کیا گیا جس کی مالیت 23 ارب روپے ہے۔ یہ بس سروس راول پنڈی صدر کے علاقے فلیشن مین سے شروع ہوگی اور فیض آباد اسلام آباد نائنتھ ایونیو سے ہوتی ہوئی جناح ایونیو اور پھر پاک سیکریٹریٹ پہنچے گی۔ ذرائع کے مطابق ایکنک کے اجلاس میں 8کھرب مالیت سے زائد کے 13منصوبوں پر غور ہونا تھا، جس میں 735ارب روپے مالیت کا داسو ہائیڈل پراجیکٹ بھی شامل تھا لیکن ان منصوبوں کی رپورٹس تیار نہیں تھیں اور انہیں آئندہ اجلاس میں زیر غور لایا جائے گا۔
مزید خبریں :
ملک میں سونے کی قیمت میں معمولی اضافہ
11 جون ، 2025
بجٹ: کافی، چاکلیٹ، جوسز اور منرل واٹر بھی مہنگے ہوں گے
11 جون ، 2025
پنجاب حکومت کا بجٹ 13 جون کو پیش کرنےکا فیصلہ
11 جون ، 2025
حکومت کا بجلی کے بلوں پر 10 فیصد سرچارج لگانے کا منصوبہ
11 جون ، 2025
