15 اپریل ، 2014 
پشتو فلموں کی پہلی ہیروئن یاسمین خان کے انتقال کو 15 سال بیت گئے
15 اپریل ، 2014
پشاور…پشتو فلموں کی پہلی ہیروئن یاسمین خان کو ہم سے بچھڑے 15 سال بیت گئے۔چوتھائی صدی تک پشتواسکرین پر چھانے والی اس فنکارہ نے اپنی فن کارانہ صلاحتیوں سے لاکھوں دلوں پر راج کیا۔پشتو فلموں کو پہچان دلانے والی اداکارہ یاسمین خان نے اپنے فنی سفرکا آغاز 1970 میں فلم یوسف خان شیربانو سے کیا۔جو پشتو زبان کی پہلی فلم تھی۔ اس فلم نے بدرمنیر اور یاسمین کے لیے مقبولیت کے دروازے کھول دیئے۔ اپنی لاجواب اداکاری اور مسحورکن رقص کی وجہ سے وہ کامیابی کی منزلیں طے کرتی گئی۔ ان کی مشہور فلموں میں یوسف خان شیربانو، اوربل، دیدن، لیونئے، خانہ بدوش ، اقراراور انگارشامل ہیں۔یاسمیں نے اپنی 25 سالہ فلمی زندگی میں دو سوپشتو اور اردو فلموں میں کیا۔ انہوں نے بدر مینر کے علاوہ آصف خان ،بیدار خان اورنعمت سرحدی کے ساتھ اپنی فن کارانہ صلاحیتوں کے جوہر دکھائے اور چوتھائی صدی تک سکرین پر راج کیا۔ 15 اپریل 1999 کو فن کے افق پر چمکنے والا یہ ستارہ ہمیشہ کے لئے غروب ہوگیا۔
مزید خبریں :
اداکاری میں کوئی کرئیر نہیں، اداکارہ غنیٰ علی
22 جون ، 2025
صنم سعید اور محب مرزا کے گھر ننھے مہمان کی آمد
20 جون ، 2025
اداکار نمیر خان کی ڈریم گرل کون ہے؟
20 جون ، 2025
