پاکستان
08 اپریل ، 2012
08 اپریل ، 2012 
صدر آصف زرداری ایک روزہ دورے پر بھارت روانہ ہو گئے
08 اپریل ، 2012
لاہور…صدر مملکت آصف علی زرداری 40 رکنی وفد کے ہمراہ ایک روزہ دورے پر لاہور سے بھارت کے لئے روانہ ہو گئے،صدر آصف زرداری اپنے بیٹے بلاول زرداری، آصفہ اور بختاور کے ہمراہ گورنر ہاوٴس لاہور سے علامہ اقبال انٹرنیشنل ایئرپورٹ پہنچے۔ گورنر پنجاب سردار لطیف کھوسہ نے انہیں رخصت کیا۔ صدر آصف علی زرداری بھارت میں وزیراعظم من موہن سنگھ کے ساتھ ملاقات کریں گے۔ جس کے بعد انہیں خصوصی طیارے کے ذریعے جے پور لے جایا جائے گا۔ پھر ہیلی کاپٹر کے ذریعے صدر زرداری اجمیر شریف جائیں گے جہاں وہ 40 منٹ قیام کریں گے۔ اپنے قیام کے دوران صدر آصف علی زرداری خواجہ معین الدین چشتی المعروف خواجہ غریب نواز کے مزار پر حاضری دیں گے۔
