پاکستان
10 جون ، 2014
10 جون ، 2014 
کراچی ائیرپورٹ :کارگوشیڈ سے نکالی گئی ساتوں لاشیں ورثا کےحوالے
10 جون ، 2014
کراچی....کراچی ائیرپورٹ کے کارگو ٹرمینل سے ملنے والی سات جُھلسی ہوئی لاشوں کو شناخت کےبعدورثا کےحوالے کر دیا گیا ہے۔کراچی ائیرپورٹ کے کارگو ٹرمینل میں نجی کورئیر کمپنی کے ہال سے ملنے والی سات افراد کی لاشیں جناح اسپتال منتقل کی گئیں ۔جناح اسپتال کے ایم ایل او ڈاکٹر کلیم شیخ کے مطابق ورثا نے لاشوں کے ساتھ موجود موبائل فون اور دیگر اشیاء سے اپنے پیاروں کو شناخت کرلیا جن کےنام سلطان، سیف الرحمان، فرحان الحق، نبیل احمد، فیضان احمد، عنایت اللہ، فریداللہ ہیں۔سینئر ایم ایل او جناح اسپتال ڈاکٹر کلیم شیخ کا کہنا ہے کہ ٹکڑوں میں لائی گئی لاش اے ایس ایف اہلکار جمن کی ہے ۔ لاشوں کے نمونے ڈین این اے کے لئے حاصل کرلئے گئے ہیں جس کی رپوٹ تین ہفتوں میں آئے گی۔
