20 جون ، 2014 
طاہر القادری کا قائد حزب اختلاف خورشید شاہ کو ٹیلی فون
20 جون ، 2014
اسلام آباد........پاکستان عوامی تحریک کے سربراہ طاہرالقادری نے قائد حزب اختلاف سید خورشید شاہ کو ٹیلی فون کرکے اپنی تحریک میں شامل ہونے کی دعوت دے دی۔خورشید شاہ کا کہنا ہے کہ جلسے جلوسوں سے حکومتیں نہیں جاتیںعوامی تحریک کے سربراہ طاہرالقادری نے سید خورشید شاہ کو ٹیلی فون کیا اور انہیں اپنی تحریک میں شامل ہونے کی دعوت دی۔ طاہر القادری نے خورشید شاہ کو بتایا کہ وہ پیر کی صبح سات بجے اسلام آباد پہنچیں گے۔ ان کی خواہش ہے کہ خورشید شاہ ان کے ساتھ شامل ہوں۔ خورشید شاہ نے کہا کہ وہ اتوار کو ملک سے باہر جارہے ہیں اگر پاکستان میں ہوئے تو آئیں گے۔ خورشید کا کہنا تھا کہ حکومت کو چاہیے کہ طاہر القادری کو پاکستان آنے دے۔سید خورشید شاہ نے یہ بھی کہا کہ جلسے جلوسوں سےحکومتیں نہیں جاتیں۔
