15 اپریل ، 2012 
بنوں جیل سے فرار 100قیدی واپس آگئے، آئی جی خیبر پختونخوا
15 اپریل ، 2012
بنوں… انسپکٹر جنرل پولیس خیبر پختون خوا محمد اکبر خان ہوتی نے کہا ہے کہ بنوں جیل پر حملہ کرنے والوں کا اصل ہدف جنرل پرویز مشرف پر حملے میں ملوث ملزم عدنان رشید تھا جسے وہ چھڑا لے گئے۔بنوں جیل کے دورے کے بعد میڈیا سے گفت گو میں آئی جی پولیس کا کہنا تھا کہ حملہ آور جیل سے پھانسی کی سزا پانے والے اکیس افراد سمیت چار سو قیدیوں کو ساتھ لے گئے تھے جن میں سے سو قیدی واپس آ گئے ہیں۔ اکبر خان ہوتی کا کہنا تھا کہ جیل کے سیکورٹی حکام گھبرا کر فائر نہیں کر سکے۔انہوں نے کہا کہ یہ تاثر درست نہیں کہ پولیس تاخیر سے پہنچی جونہی اطلاع ملی ناکے لگا دئیے گئے تاان کا کہنا تھا کہ پولیس جیل کے باہر سیکورٹی کی ذمے دار ہے اور انہوں نے بجوں جیل کے باہر سیکورٹی بڑھانے کی ہدایت کر دی ہے۔
