پاکستان
29 ستمبر ، 2014
29 ستمبر ، 2014 
کراچی :ٹارگٹ کلر اور کالعدم تنظیم کےدو ملزمان گرفتار
29 ستمبر ، 2014
کراچی ......کراچی کے علاقے نیو کراچی سے ایک مبینہ ٹارگٹ کلر جبکہ رضویہ سے کالعدم تنظیم کے دو ملزمان کو گرفتار کر لیا گیا۔پولیس کے مطابق نیو کراچی سے مبینہ ٹارگٹ کلر کامران عرف کمو کو گرفتار کر کے اس کے قبضے سے اسلحہ برآمد کر لیا گیا، ایس ایس پی نعمان صدیقی کے مطابق گرفتار ٹارگٹ کلر نے پولیس اہلکاراور سیاسی جماعت کے کارکنان سمیت 13افراد کو ٹارگٹ کر کے قتل کیا جبکہ 8افراد کو زخمی کیا، ملزم نے پولیس اہلکاروں پر فائرنگ بھی کی۔ دوسری جانب سی آئی ڈی کے انویسٹی گیشن ونگ سے رضویہ میں چھاپہ مارکر کالعدم تنظیم کے دو ملزمان قمر اور شبیہ کو گرفتار کر لیا، مظہر مشوانی کے مطابق ملزمان قتل اور اقدام قتل کی 7وارداتوں میں مطلوب تھے۔
