09 اکتوبر ، 2014 
پاکستان دشمن کے دانت کھٹے ہی نہیں توڑ بھی سکتا ہے، شہباز شریف
09 اکتوبر ، 2014
سیالکوٹ...... وزیراعلیٰ پنجاب شہباز شریف نے کہا ہے کہ پاکستان دشمن کے دانت کھٹے ہی نہیں بلکہ توڑ بھی سکتا ہے، بھارت سے کہتے ہیں جارحیت بند کرے ورنا وہ جواب دیا جائے گا کہ وہ ساری عمر یاد رکھے گا۔ یہ بات انہوں نے سیالکوٹ میں بھارتی جارحیت کے شکارچارواہ سیکٹر کے متاثرین سے خطاب کرتے ہوئے کہی۔ وزیراعلیٰ پنجاب کا کہنا تھا کہ ہندوستان نے جو بربریت کی ہے اس پر پوری پاکستانی قوم بھرپور مذمت کرتی ہے، پاکستان ایک ایٹمی اور پرامن ملک ہے، اس کے 18 کروڑ عوام اور بہادر فوج بھارت کو منہ توڑ جواب دے سکتی ہے۔ انہوں نے بھارتی قیادت کو تنبیہ کرتے ہوئے کہا کہ وہ ایسا نہ کرے اور ہوش کے ناخن لے، چارواہ سیکٹر کے شہداء کا خون رائیگاں نہیں جائے گا۔ شہباز شریف نے بھارت کی جانب سے جاری جارحیت میں شہید ہونے والوں کے ورثاء کو 5، 5 لاکھ اور زخمیوں کو ایک ایک لاکھ روپے کے چیک بھی دیئے۔
