دبئی......دبئی ٹیسٹ کے دوسرے روز کھانے کے وقفے پر پاکستان نے اپنی پہلی اننگز میں 5وکٹوں کے نقصان پر328 رنز بنالیے۔اسد شفیق56اور سرفراز احمد27کے ساتھ کریز پر موجود ہیں۔پاکستان نے گذشتہ روز کے اسکور 219رنز چار کھلاڑی آئوٹ پر اپنی نامکمل اننگز کا آغاز کیا، اس دوران کپتانمصباح الحق نے اپنی نصف سنچری مکمل کی،وہ 69رنز بناکر اسمتھ کی گیند پر جانسن کے ہاتھوں کیچ آئوٹ ہوئے۔مچل جانسن تین جبکہ سڈل اور اسمتھ نے ایک، ایک وکٹ حاصل کی۔دبئی انٹرنیشنل کرکٹ اسٹیڈیم میں کھیلے جارہے ٹیسٹ میں گذشتہ روزپاکستان ٹیم نے بیٹنگ کا آغاز کیا تو اوپنر حسب روایت اچھا آغاز فراہم کرنے میں ناکام رہے اور محمد حفیظ پہلے ہی اوور میں مچل جانسن کا شکار ہو گئے۔جانسن کی یارکر پر وہ ایل بی ڈبلیو ہوئے۔مڈل اسٹمپ پر گیند لگنے کے باوجود انہوں نے ریویو لیا اور ریفرل بھی ضائع کردیا۔ جب کہ احمد شہزاد بھی 3 رنز بنا کر چلتے بنے۔ شہزادنے لیگ اسٹمپ اوپن چھوڑی اور بولڈ ہوگئے۔اظہر علی کولنچ سے قبل 22رنز پر چانس ملا جب راجرز نے پوائنٹ پر مچل جانسن کی گیند پر ان کا کیچ چھوڑ دیا۔ابتدائی نقصان کے بعد یونس خان اور اظہر علی نے تیسری وکٹ کی شراکت میں 108 رنز بنائے۔یونس خان نے پچاس رنز چھ چوکوں کی مدد سے 136گیندوں پر بنائے۔اظہر علی نے 167گیندوں پرچھ چوکوں کی مدد سے53رنز کی اننگز کھیلی۔