03 مارچ ، 2025 
15 رنز پر آؤٹ ہونے پر کانگریس ترجمان نے روہت شرما کو 'موٹا' کہہ دیا، سخت ردعمل کا سامنا
03 مارچ ، 2025
بھارتی کرکٹ ٹیم کے کپتان روہت شرما کو موٹاپے کے طعنے ملنے لگے۔
بھارتی اپوزیشن پارٹی کانگریس کی ترجمان ڈاکٹر شمع محمد نے روہت شرما کو موٹا کہتے ہوئے ان کی فٹنس اور کپتانی پر بھی سوال اٹھادیا۔
ڈاکٹر شمع محمد نے روہت شرما کے نیوزی لینڈ کے خلاف 15 رنز پر آؤٹ ہونے کے بعد ریمارکس دیے۔
ترجمان کانگریس نے کہا کہ روہت شرما کا وزن زیادہ ہے اور وہ اب تک سب سے غیر متاثر کن کپتان ہیں، وہ کھلاڑی کے لحاظ سے موٹے ہیں اور انہیں وزن کم کرنے کی ضرورت ہے۔
بھارتی میڈیا کے مطابق سوشل میڈیا پر سخت ردعمل دیکھنے کے بعد ڈاکٹر شمع نے اپنی ٹوئٹ ڈیلیٹ کردی۔
دوسری جانب بی جے پی ترجمان نے ردعمل میں کہا کہ جنہوں نے پہلے ملک کی مخالفت کی وہ اب کرکٹ ٹیم کی کر رہے ہیں، کانگریس محبت کی دکان نہیں نفرت کا پیغام دینے والے ہیں جو راہول گاندھی کی کپتانی میں 90 الیکشنز ہار چکے ہیں وہ روہت شرما کی کپتانی کو غیر متاثر کن کہہ رہے ہیں۔
ترجمان بی جے پی نے کہا کہ کانگریس کے ریمارکس روہت شرما کی جسامت کا مذاق اڑانے کی مترادف ہے۔
دوسری جانب سوشل میڈیا صارفین نے بھی کانگریس کی ترجمان کے ریمارکس کو نامناسب قرار دیا ہے۔
مزید خبریں :
چیمپئنز ٹرافی کے سیمی فائنلز کے میچ آفیشلز کا اعلان
4 گھنٹے پہلے
ٹینس کے لیجنڈ جوڑے کا بیٹا بیس بال میں چلا گیا
8 گھنٹے پہلے
