22 اپریل ، 2012 
فاروق بھوجاسے پوچھ گچھ کی ہے، ڈائریکٹرایف آئی اے سندھ
22 اپریل ، 2012
کراچی ... ڈائریکٹر ایف آئی اے سندھ معظم جاہ کا کہنا ہے کہ ایف آئی اے بھوجا ائیر حادثے میں مجرمانہ غفلت کی تحقیقات کررہی ہے۔ ائر لائن کے مالک فاروق بھوجا سے پوچھ گچھ کی گئی ہے ، انہیں گرفتار نہیں کیا گیا ،معظم جاہ نے جیو نیوز کو بتایا کہ ایف آئی اے نے بھوجا ائر کی دستاویزات کا جائزہ لیا ہے جس کے مطابق سول ایوی ایشن اتھارٹی نے حادثے میں تباہ ہونے والے جہاز کی دو مرتبہ جانچ پڑتال کی تھی۔ پہلی جانچ جنوبی افریقہ میں ہوئی اور دوسری مرتبہ پاکستان میں جائزہ لیا گیا تھا ۔ ڈائریکٹر ایف آئی اے سندھ نے بتایا کہ تباہ ہونے والا طیارہ فروری 2012 میں پاکستان پہنچا تھا جو بھوجا ائیر نے جنوبی افریقہ کی ایک فضائی کمپنی سے 20 ہزار ڈالر ماہانہ لیز پر لیا تھا۔ معظم جاہ کا کہنا ہے کہ بھوجا ائیر لائن میں 80 فیصد حصص ارشد جلیل نامی شخص اور ان کے اہلخانہ کے ہیں۔ فاروق بھوجا پانچ فیصد شیئرز کے مالک ہیں۔ بقایا 15 فیصد شئیرز ساڑھے سات فیصد کے حساب سے دو اور شخصیات کے پاس ہیں۔
مزید خبریں :
