کھیل
14 نومبر ، 2014
14 نومبر ، 2014 
اے ٹی پی ورلڈ ٹور ٹینس،راجر فیڈرر نے اینڈی مرےکو ہرادیا
14 نومبر ، 2014
لندن ......چھ مرتبہ کے سابق چمپئن راجر فیڈرر نے اینڈی مرےکو شکست دےکر اے ٹی پی ورلڈ ٹور فائنلز کے سیمی فائنلزکی دوڑ سے باہر کردیا، اس فتح کے ساتھ ہی سوئس کھلاڑی نے ایونٹ کے سیمی فائنل میں بھی جگہ بنالی۔لندن کے او ٹو ایرینا میں راجر فیڈرر کا مقابلہ تھا مقامی ہیرو اینڈی مرے سے،گروپ بی کے اس میچ میں فیڈرر بہترین فارم میں نظر آئے انہوں نے شاندار کارکردگی دکھاتے ہوئے چھ صفر اور چھ ایک سے کامیابی حاصل کرکے مرے کو سیمی فائنل کی دوڑ سے باہر کردیا۔ایک اور میچ میں جاپان کے کائی نشیکوری نے زخمی میلوس راونچ کی جگہ ٹورنامنٹ کا حصہ بننے والے ڈیوڈ فیرر کو سخت مقابلے کے بعد چار چھ، چھ چار اور چھ ایک سے شکست دے کر سیمی فائنل میں جگہ بنالی۔
