23 اپریل ، 2012 
بالی ووڈایکشن فلم ’ڈپارٹمنٹ ‘کے پہلے گانے کی وڈیو جاری
23 اپریل ، 2012
ممبئی …این جی ٹی …ہدایتکار رام گوپال ورما کی نئی ایکشن فلم ’ڈپارٹمنٹ ‘کے پہلے گانے کی وڈیو جاری کردی گئی ہے جس میں سنجے دت اپنے ساتھی اداکار رانا دگوبتی کیساتھ کلب میں ڈانس کرتے نظر آرہے ہیں۔’تھوڑی سی جو پی لی ہے‘نامی یہ گانا امیتابھ بچن کی کلاسک فلم نمک حلال سے لیکر ری میک کیاگیا ہے جس پر سنجو بابا نے بگ بی کو ٹریبیوٹ پیش کیا ہے۔معروف گلوکارسکھوندر سنگھ کی آواز میں ریکارڈ کیے گئے اس گانے کی موسیقی بپی لہری نے دی ہے جبکہ گانے کی کوریو گرافی گنیش اچاریہ نے دی ہے جو خود بھی اس گانے کی وڈیو میں سنجے دت کیساتھ موجود ہیں۔ہدایتکار رام گوپال ورما کی ایکشن فلم’ڈیپارٹمنٹ‘کو سدھانتھ اوبرائے اور امت شرما نے پروڈیوس کیا ہے جس میں امیتابھ بچن سمیت سنجے دت اور رانا دگوبتی مرکزی کردار اداکررہے ہیں جبکہ یہ فلم18مئی کو سینما گھروں کی زینت بنائی جائیگی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
