11 جنوری ، 2012 
قومی کرکٹرزکے نئے سنٹرل کنٹریکٹ کے لئے فہرست مرتب کرلی گئی
11 جنوری ، 2012
لاہور… قومی کرکٹرزکے نئے سنٹرل کنٹریکٹ کے لیئے فہرست مرتب کرلی گئی ہے، سابق کپتان شاہد آفریدی کو سنٹرل کنٹریکٹ ملے گا جبکہ توفیق عمر کو بی سے اے کیٹگری میں ترقی دئیے جانے کا امکان ہے ۔ کھلاڑیوں کے سنٹرل کنٹریکٹ کی معیاد31 دسمبر کو ختم ہوگئی تھی، ذرائع کے مطابق نئی فہرست میں کھلاڑیوں کی تعداد 29 سے بڑھا کر 35 کردی گئی ہے، جسے پاکستان کرکٹ بورڈ کے چئیرمین ذکاء اشرف کی منظوری کے بعد جاری کردیا جائے گا، ذرائع کے مطابق سابق کپتان شاہد آفریدی کو بھی سنٹرل کنٹریکٹ دیا جا ئیگاجبکہ کامران اکمل ایک بار پھرفہرست میں جگہ نہیں بنا سکے۔ 2011 میں سب سے کامیاب ٹیسٹ بیٹسمین توفیق عمر بی سے اے کیٹگری میں شامل ہو جائیں گے جبکہ آل راونڈرعبدلرزاق کو ایک بار پھرموقع دیا جاسکتا ہے، اعزاز چیمہ جن کو ماہانہ مشاہرہ دیا جا رہا تھا انہیں بی کیٹگری میں شامل کیئے جانے کا امکان ہے۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
