18 فروری ، 2015 
بلوچستان میں عدم مساوات کا احساس ختم ہونا چاہیے،وزیراعظم
18 فروری ، 2015
کوئٹہ..........وزیر اعظم نواز شریف نے کہا ہے کہ بلوچستان میں عدم مساوات کا احساس ختم ہونا چاہیے، بلوچستان اتنا ہی عزیزہےجتنا سندھ،پنجاب اورخیبرپختونخوا عزیز ہے۔وزیراعظم نوازشریف نے سدرن کمانڈ کے ہیڈکوارٹر کا دورہ کیا،جہاںآرمی چیف اورکمانڈرسدرن کمانڈ نے وزیراعظم کوبریفنگ دی۔وزیراعظم نے منتخب نمائندوں اور فوجی افسران سے خطاب کرتے ہوئے کہا کہ پاکستان میں ایک نئی شروعات ہورہی ہے اور ساتھ ہی ہم پاکستان کو مشکلات سے نکالنا چاہتے ہیں ۔نواز شریف نے کہا کہ میں جنرل راحیل شریف اور جنرل جنجوعہ کو مبارک باد دیتا ہوں،ہم سب ایک ہوکرملک کو مشکلات سے نکالنا چاہتے ہیں،قیادت متحد ہوگی تو قوم متحد ہوگی،ناہمواریوں کو ختم ہوناچاہیے۔ ان کا کہنا تھا کہ سیاسی اور فوجی قیادت مسائل کےحل کےلیے پُرعزم ہے، بلوچستان میں عدم مساوات کا احساس ختم ہونا چاہیے، صوبہ بلوچستان کی بہتری کےلیے ہی ہم سب یہاں جمع ہوئے ہیں۔
مزید خبریں :
