02 مئی ، 2012 
لاپتہ افراد کیس، فوج کی عزت متاثر ہورہی ہے، پشاور ہائیکورٹ
02 مئی ، 2012
پشاور… چیف جسٹس پشاور ہائی کورٹ جسٹس دوست محمد خان نے کہا ہے کہ لاپتہ افراد کا معاملہ ایک سنگین ایشو ہے اور پاک فوج نے جو عزت دہشت گردی کے خلاف جنگ میں کمائی تھی وہ متاثر ہو رہی ہے۔ چیف جسٹس پشاور ہائی کورٹ جسٹس دوست محمد خان نے یہ ریمارکس لاپتہ فضل منان کیس کی سماعت کے دوران دیئے۔ سیکرٹری دفاع نرگس سیٹھی اور چیف سیکرٹری خیبر پختون خوا کی عدالت میں پیش ہوئے۔ چیف جسٹس دوست محمد خان نے سیکرٹری دفاع کو ہدایت کی کہ پاک فوج اور خفیہ ایجنسیوں کے ساتھ مل کر مسئلے کا حل تلاش کیا جائے۔ لاپتہ فراد کا معاملہ ایک سنگین ایشو ہے اور پاک فوج کی وہ عزت متاثر ہو رہی ہے جو اس نے دہشت گردی کے خلاف جنگ میں کمائی تھی۔سیکرٹری دفاع نرگس سیٹھی نے عدالت کو بتایا کہ لاپتہ افراد کا مسئلہ سنجیدہ ہے اور عدالت کے احکامات پر عمل کریں گے۔ چیف سیکرٹری خیبرپختون خوا غلام دستگیراخترنے عدالت کو بتایا کہ نوٹی فیکیشن جاری کروں گا تاکہ آئندہ اس قسم کے واقعات میں تعاون نہ کیا جائے۔
مزید خبریں :
کراچی:گھرکی چھت گرنے سے6 بچے جاں بحق ہوگئے
5 گھنٹے پہلے
ٹانک میں سکیورٹی فورسز کے آپریشن میں 3 خوارج ہلاک ہوگئے
10 گھنٹے پہلے
