لندن…مرتضی علی شاہ …مبینہ طور پر اسپاٹ فکسنگ میں ایک برس قید کی سزا پانے والے پاکستانی فاسٹ باوٴلر محمد آصف کوکل جمعرات صبح کنٹر بری جیل سے رہا کردیا جائے گا۔ انگلینڈ کے خلاف 2010 میں لارڈز ٹیسٹ میں مبینہ طور پر اسپاٹ فکسنگ پر ایک برس قید کی سزا پوری ہونے کے بعد رہا کیا جارہا ہے ۔ محمد آصف کی وکیل سویتا سکل ( Savita Sukul)منگل کی دوپہر برطانوی وزارت داخلہ کو قائل کرنے میں کامیاب ہو گئیں کہ محمد آصف کو پاکستان بدر نہیں کیا جائے گا اور اس کی ضمانت کے حق کو قبول کیا جا نا چاہئے۔ یہ کہا جاسکتا ہے کہ برطانوی وزارت داخلہ کی طرف سے محمد آصف اسپاٹ فکسنگ کی سزا کے خلاف اپیل کی پیروی کرنے کے لئے نہ صرف برطانیہ میں رہ سکتے ہیں، بلکہ اپنی اپیل کے حتمی فیصلیتک قا نونی طور پر برطانیہ میں رہائش بھی رکھ سکتے ہیں ۔محمد آصف کے وکیل نے جیو نیوز سے خصوصی بات چیت کرتے ہوئے کہا کہ ان کی رہائی اب چند گھنٹوں میں متوقع ہیں۔ انہوں نے یہ بھی انکشاف کیا کہ آصف برطانیہ میں اپنے دوست محمد ہارون کے سا تھ قیام کریں گے ۔