18 اپریل ، 2015 
اسٹار وارز سلسلے کی ساتویں فلم"دی فورس اویکنز"کا نیا ٹریلر جاری
18 اپریل ، 2015
نیویارک.....اسٹار وارز سلسلے کی ساتویں فلم"دی فورس اویکنز"کا نیا ٹریلر جاری کردیا گیا۔دیوہیکل اْڑن طشتریاں ،انوکھے جہاز اور دیوقامت روبوٹس آرہے ہیں دنیا کو حیران و پریشان کرنے ،جی ہاں خلائی مخلوق کے دیوانے ہوجائیں تیارکیونکہ اسٹار وارز سلسلے کی ساتویں فلم دی فورس اویکنزکا نیا ٹریلر جاری کردیا گیا ہے۔جے جے ابرامز کی ہدایت کاری میں بننے والی اس فلم کی کہانی اسٹار وارز کے روایتی کرداروں کے گرد گھومتی ہے جو جدید روبوٹس اور اْڑن طشتریوں پرسوار ہوکر نئے خلائی مشنز پر روانہ ہوںگے۔فلم میں اپنی اداکاری کے جوہر دکھانے والے فنکاروں میں جان بویگا،ڈیزی ریڈلے،ایڈم ڈرائیور،آسکر ایساق،اینڈی سرکس،ہیریسن فورڈ اور مارک ہیمل سمیت دیگر شامل ہیں۔فلم کے پروڈیوسرہالی ووڈ کو جراسک پارک جیسی کئی کامیاب فلمیں دینے والے کیتھلین کینیڈی ہیں جبکہ یہ فلم والٹ ڈزنی پروڈکشنز کے بینر تلے آئندہ برس 18دسمبر کو سینما گھروں میں کھڑکی توڑ نمائش کے لئے پیش کردی جائے گی۔
مزید خبریں :
کیا اداکارہ نیلم منیر رشتہ ازدواج میں منسلک ہونے والی ہیں؟
29 نومبر ، 2024
جنید جمشید کے بیٹے نے والد کی شادیوں کی حقیقت سے پردہ اٹھادیا
29 نومبر ، 2024
