26 جنوری ، 2012 
ٹنڈولکر کی100 ویں سنچری کا خواب تاحال ادھورا
26 جنوری ، 2012
ایڈیلیڈ … انڈین بیٹسمین سچن ٹنڈولکر کی100 ویں سنچری کا خواب پھر ادھورا رہ گیا،آسٹریلیا کے خلاف چوتھے ٹیسٹ میں ماسٹر بلاسٹرسچن ٹنڈولکر 25 رن پر آوٴٹ ہوگئے۔آسٹریلیا کے شہر ایڈیلیڈ میں جاری چوتھے ٹیسٹ کی پہلی اننگز میں بھی سچن ٹندولکر کا 100 ویں سنچری کاارمان پورا نہ ہوسکا۔ان کی امیدوں پر اس وقت پانی پھر گیا، جب وہ پیٹر سڈل کی ایک گیند پر رکی پونٹنگ کے ہاتھوں کیچ آوٴٹ ہوگئے۔آسٹریلیا کے604 رن کے پہاڑ جیسے ہدف کے تعاقب میں انڈین ٹیم ابتدا ہی سے ہانپنے لگی۔ تیسرے دن کے کھیل کے آغاز ہی میں ٹنڈولکر اور گوتم گمبھیر کے آوٴٹ ہونے سے بھارتی ٹیم مزید مشکلات کا شکار ہوگئی۔فالو آن سے بچنے کے لیے بھی اسے کئی سو رن درکار ہیں۔دیکھنا ہے کہ سچن دوسری اننگز میں اپنا100 ویں سنچری کا خواب پورا کرسکیں گے یا انھیں ون ڈے سیریز کا انتظار کرنا ہوگا۔
