09 مئی ، 2012 
فلم’تیری میری کہانی ‘کے نئے گانے’ہم سے پیار کرلے تو‘کی وڈیو جاری
09 مئی ، 2012
ممبئی…این جی ٹی…وشال بھردواج کی فلم کمینے سے مقبول ہونے والی جوڑی شاہد کپور اور پریانکا چوپڑا ایک بار پھر ہدایتکار کناک کوہلی کی فلم "تیری میری کہانی"میں ساتھ آرہے ہیں۔تیری میری کہانی کے نئے گانے"ہم سے پیار کرلے تو کی وڈیو جاری کردی گئی ہے جس میں شاہد اور پریانکا کو ایک جشن میں ساتھ ڈانس کرتے دکھایا گیا ہے۔ہدایتکار کنال کوہلی کی اس فلم کی کہانی تین مختلف شہروں میں بسنے والے تین رومانوی جوڑوں کے گردگھو متی ہے جبکہ دلچسپ بات یہ ہے کہ تینوں رو مانوی جو ڑوں کا کر دار پر یانکا اور شا ہد کپور ہی اداکررہے ہیں جس کیلئے انہیں مختلف گیٹ اپ تبدیل کرتے دکھایا گیا ہے۔ہدایتکار کنال کوہلی کی اس فلم کو انہوں نے خود سنیل لولا اور وکی بہری کے ساتھ مل کر پروڈیوس کیا ہے جس کا میوزک معروف موسیقار جوڑی ساجد واجد نے ترتیب دیا ہے۔تین دوروں پر مشتمل یہ رومانٹک ڈرامہ فلم تیری میری کہانی22جون کو سینما گھروں کی زینت بنائی جائیگی۔
