کھیل
07 اگست ، 2015
07 اگست ، 2015 
فاسٹ بولر محمد عامر پر پابندی اگلے ماہ ختم ، ٹیم میں واپسی کے امکانات کم
07 اگست ، 2015
لاہور...... اسپاٹ فکسنگ کے جرم میں پابندی کا شکار محمد عامر کی سزا تو اگلے ماہ ختم ہو جائے گی ،لیکن پاکستان کرکٹ بورڈ انہیں فوری طور پر قومی ٹیم میں شامل نہیں کرنا چاہتا ۔ذرائع کہتے ہیں کہ محمد عامر کی زمبابوے کے خلاف سیریز میں شمولیت کا کوئی امکان نہیں ،ویسے اسپاٹ فکسنگ کے جرم میں ان پر عائد پانچ سالہ پابندی ستمبر کے پہلے ہفتے میں ختم ہو رہی ہے۔امکان ہے کہ پاکستان کرکٹ بورڈ انہیں انگلینڈ کے خلاف اکتوبر میں ہونے والی سیریز میں یا پھر پاکستان اے ٹیم میں شامل کرے۔سلیکشن کمیٹی محمد عامر کو قومی ٹیم میں شامل کرنے سے پہلے پاکستان اے ٹیم میں چانس دینا چاہتی ہے۔محمد عامر اکتوبر میں شروع ہونے والے ڈومسٹک سیزن میں سوئی سدرن گیس کی نمائندگی کریں گے۔
