14 ستمبر ، 2015 
آسٹریلوی کرکٹربریٹ لِی کی پہلی بالی وڈ فلم’’اَن انڈین‘‘کا ٹریلر جاری
14 ستمبر ، 2015
ممبئی......آسٹریلوی کرکٹر بریٹ لی نے کرکٹ کے بعد فلم انڈسٹری میں بھی دھواں دار انٹری دے ڈالی ہے۔سابق آسٹریلوی کھلاڑی بریٹ لِی کی بطورہیرو پہلی بالی وڈ فلم "اَن انڈین" کا ٹریلر جاری کردیا گیا ہے ۔
انوپما شرما کی پروڈکشن و ڈائریکشن میں بننے والی اس رومانٹک کامیڈی فلم کی کہانی ایک ایسی بھارتی نژادآسٹریلوی خاتون کے گرد گھوم رہی ہے جو خاندانی روایا ت ہٹ کر ایک غیر ملکی سے شادی کرنے کی خواہشمند ہے تاہم لڑکی کے ماں باپ اپنی بیٹی کے مستقبل کے حوالے سے شدید خدشات کا شکار ہیں۔
دو مختلف تہذیبوں اورثقافتوں کی عکاسی کرتی اس فلم میں بریٹ لِی اور تنیشا چتر جی مرکزی کردار میں جلوۂ گر ہونگے جن کے علاوہ فلم کی دیگر کاسٹ میں گلشن گروور، پلاوی شردھا، سپریا پاٹھک، ڈیوڈ ووڈلی، جان ہاورڈ، اسٹیفن ہنٹر اور ہیتھر ملٹ مین شامل ہیں۔کامیڈی اورڈرامہ کا مکس ترکا لِئے یہ رومانٹک فلم اکتوبر میں ریلیز ہوگی۔
مزید خبریں :
کرسٹیانو رونالڈو نے کلب ورلڈکپ میں شرکت کی تردید کر دی
11 گھنٹے پہلے
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
