22 ستمبر ، 2015 
عیدالاضحی:پشاورمیں چاقو تیزکرنیوالوں کا کاروبار چمک اٹھا
22 ستمبر ، 2015
پشاور.......عید الا ضحی قریب آتے ہی پشاور میں چاقو چھریاں تیز کرنے والوں کا کاروبار چمک اٹھا ۔ دکان دار تو خوش ہیں کہ ان کا روزگار لگ گیا، مگر خریداریہاں بھی مہنگائی کارونا رورہے ہیں۔
عیدقربان قریب آنے پر شہریوں کی بڑی تعداد جانورقربانی کرنے اور گوشت کاٹنے کے لئے چاقو ،چھریاں اور ٹوکے تیز کروا رہے ہیں۔ شہریوں کو شکایت ہے کہ عید آتے ہی چھریاں تیز کرنے والوں نے بھی دام بڑھادیئے ہیں۔
اکثر مقامات پر گلینڈرز کےزریعے چاقو اور چھریاں تیز کی جا رہی ہیں، دکان دارخوش ہیں کہ ان کا کاروبار خوب چل رہا ہے،جن کا کہنا ہے کہ سال میں چند ہی دن یہ کاروبار ہوتا ہے، مہنگائی کی شرح سے اجرت بڑھانا ان کی مجبوری ہے۔
چاقو اور چھریاں تیز کرنے کے ساتھ شہری سیخیں اور ا نگیٹھیاں بھی خرید رہے ہیں،تاکہ قربانی کے بعد مزے مزے کے تکوں سے لطف اندوز ہو سکیں۔
مزید خبریں :
رواں سال حج کے دوران کتنے پاکستانی وفات پاگئے؟
2 گھنٹے پہلے
کراچی: مختلف علاقوں میں ایک بار پھر زلزلے کے جھٹکے
5 گھنٹے پہلے
