23 ستمبر ، 2015 
عمر کوٹ کی معذور اسکول ٹیچر آسو کوہلی امریکا جائیں گی
23 ستمبر ، 2015
عمر کوٹ......عمر کوٹ کی معذور اسکول ٹیچر آسو کوہلی ملالہ یوسفزئی کی زندگی پربنی دستاویزی فلم ’’ہی نیمڈ می ملالہ‘‘ کے پریمیئر میں خصوصی طور پر شرکت کرنے امریکا جا رہی ہیں ۔
عمر کوٹ کے چھوٹے سے گاؤں مینا جی ڈھانی کی معذور آسو کوہلی نے 2014ء میں اپنی مدد آپ کے تحت گاؤں میں پرائمری اسکول کی بنیاد رکھی،جہاں دیکھتے ہی دیکھتے طلبہ کی تعداد بڑھتی گئی اور اب طلبہ کی بڑی تعداد وہاں علم کی روشنی سے منور ہو رہی ہے۔
آسو کی تعلیم سے محبت پر مقامی افراد انہیں "عمرکوٹ کی ملالہ " کہتے ہیں، آسو کی کوششیں دیکھتے ہوئے ملالہ نے اپنی ہم وطن کو نیویارک آنے کی دعوت دی، جہاں آسو ملالہ کی مہم "اسٹینڈ ود ملالہ"کی افتتاحی تقریب میں بھی شرکت کریں گی اورامریکی صدر باراک اوباما سے بھی ملاقات کریں گی۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
