کراچی .......سسپنس اور ایڈونچر فلموں کے دیوانے تیار ہو جائیں، جیو فلمز کے تحت آج دو فلمیں بالی وڈ فلم’جذبہ‘ اور ہالی وڈ فلم’پین‘ ریلیز ہو رہی ہیں ، ان دونوں فلموں کے ولنز کی دہشت آپ کے رونگٹے کھڑے کر دے گی۔

بالی ووڈ ہدایت کار سنجے گپتا کی ڈائریکشن میں بننے والی ایکشن فلم’’ جذبہ‘‘ میں ایشوریا رائے خاتون وکیل اور ایک بچی کی ماں کا مرکزی کر دار اد کررہی ہیں۔

فلم میں ایشوریا کے مد مقابل بطورہیرو عرفان خان کو کاسٹ کیا گیا ہے ، یہ فلم جنوبی کو ریا کی سال 2007 میں ریلیز کی گئی فلم Seven Days کا ری میک ہے ، ایشوریا اور عرفان خان کے علا وہ فلم کی مر کزی کاسٹ میں شبا نہ اعظمی بھی نظر آئیں گی۔

ایکشن اور سسپنس سے بھر پور فلم بھارت اورپاکستا ن سمیت دنیا کے چالیس ممالک میں آج ریلیز کی جا رہی ہے۔

ہالی ووڈ فلم ’’ پین ‘‘ میں دنیا بھر میں وولورین کے کردار میں دھوم مچانے والے ہیوجیک مین خطرناک بحری قزاق کے روپ میں نظر آئینگے۔

ہدایتکارجو رائٹ کی اس سنسنی خیز فلم کی کہانی جادوئی سر زمین پر بسنے والے پیٹر پین نامی ایک ایسے یتیم لڑکے کے گِرد گھومتی ہے جو غیر معمولی صلاحیتوں کا مالک ہوتا ہے اور خطرناک بحری قزاقوں کو اپنی طاقت اور بہادری کے ذریعے سبق سکھاتا ہے۔

فلم میں بلیک بیئرڈ(Blackbeard )نامی خطرناک بحری قزاق کا کردار اَن گنت نا قابلِ فراموش کردار وں میں نظر آنیوالے ہیوجیک مین نبھا رہے ہیں جبکہ پیٹر پین کے روپ میں ننھے اداکارلیوی مِلر اور ہُک مین کے کردار میں گیریٹ ہیڈلینڈجلوہ گر ہونگے۔

تھرلر،ڈرامہ،سسپنس اور ایڈونچرسے بھرپور دونوں فلموں میں شائقین کے لئے صرف انٹرٹینمنٹ ہی انٹرٹینمنٹ ہے۔