واشنگٹن........ امریکی وزیر دفاع ایشن کارٹر نے کہا ہے شام میں روس اپنی مداخلت میں حد سے بڑھتا جا رہا ہے۔

عالمیمیڈیا کے مطابق کارٹر نے یہ بات ریگن نیشنل ڈیفنس فورم سے خطاب میں کہی۔انھوں نے کہا کہ روسی صدر ولادیمیر پیوٹن شام کے بارے میں اپنی حکمت عملی کو تفصیل سے زیر غور نہیں لائے۔، روس جلتی پر تیل ڈال رہا ہے۔ وہ خانہ جنگی کو دوام بخش رہا ہے جو انتہا پسندی کی جڑ ہے، جس کی مخالفت کا روس دعوے دار ہے۔

کارٹر نے کہا کہ روس داعش کے جنگجوؤں کے خلاف نہیں لڑ رہا، جس کا اس نے دعویٰ کیا تھا، اور سیاسی عبوری دور کے لیے کام کرنے کے برعکس صدر بشار الاسد کو مضبوط کر رہا ہے۔تاہم، اگر امریکہ اور روس باہمی مفاد کے معاملات میں تعاون کریں، مثلاً ایران کے جوہری عزائم سے نمٹنا، تو بقول کارٹر، شام کی خانہ جنگی کے خاتمے کے سلسلے میں روس ایک تعمیری کردار ادا کر سکتا ہے۔

امریکی وزیردفاع نے کہا کہ امریکہ سرد جنگ کے بارے میں ریگن کے تجویز کردہ طریقہ کار کو مد نظر رکھتے ہوئے، شام، یوکرین اور بالٹک کے خلاف روسی جارحیت کے مقابلے کے لیے مضبوط اور متوازن انداز اپنا رہا ہے، اِن اقدامات میں امریکی جوہری اسلحہ خانے کو جدید کرنا، تحفظ اور دفاع کے لیے ضروری منصوبوں کو بہتر بنانا، اور اس ٹیکنالوجی میں سرمایہ کاری کرنے پر زور دینا شامل ہے تاکہ روسی اشتعال انگیزی کا مقابلہ کیا جاسکے۔