میرپور......بنگلادیش پریمئر لیگ کے افتتاحی میچ میںرنگپور رائیڈرز نے چٹا گانگ وائی کنگزکو دلچسپ مقابلے کے بعد 2وکٹوں سے شکست دیدی ہے،میچ کی خاص بات پاکستان کے محمد عامرکی شاندار بالنگ اور مصباح الحق کی شاندار بیٹنگ رہی ۔

میرپورکے شیربنگلا نیشنل اسٹیڈیم میں کھیلے جارہے میچ میں چٹاگانگ وائی کنگز نے ٹاس جیت کر بیٹنگ کا فیصلہ کیااور رنگپور رائیڈرز کو میچ جیتنے کیلئے 188رنز کا ہدف دیا ،جو اس نے 8وکٹ نے نقصان پر آخری بال پر پورا کرلیا ۔

رنگپور رائیڈرزکی طرف سے مصباح الحق،الامین اور پریرا نے شاندار بلے بازی کی ،انہوں نے بالترتیب 61،38،43رنز بنائے ،ان تینوں بیٹسمنیوں نے اس وقت بہتر کھیل پیش جب ٹیم کے ابتدائی 4 بلے باز صرف 23پر پویلین لوٹ چکے تھے ۔

چٹاگانگ وائی کنگز کی جانب سے محمد عامر نے شاندار بالنگ کا مظاہرہ کیا ،انہوں نے چار اوورز میں 30رنز دے کر 4وکٹیں اپنے نام کی ،لیف آرم فاسٹ بالر نے اپنا پہلا اوور میڈن بھی کرایا ۔

تمیم اقبال اور تلک رتنے دلشان نے 52رنز کا تیز رفتار آغاز فراہم کیا، اس موقع پر دلشان 29رنز کی اننگز کھیل کر ابو زید کی گیند پر عرفات کے ہاتھوں کیچ آئوٹ ہوئے۔تمیم اقبال اور انعام الحق نے دوسری وکٹ پر 65رنز کا اضافہ کیا، تمیم اقبال نے 51رنزاور انعام الحق 36رنز بناکرپویلین لوٹ گئے۔

جیون مینڈس تیز رفتار 39 رنز بناکر رن آئوٹ ہوئے۔آصف احمد نے 17رنز کی ناقابل شکست اننگز کھیلی۔رنگپور رائیڈرز کی طرف سے ثقلین نے 3اور ابو زید نے 2کھلاڑیوں کو آئوٹ کیا۔