دبئی.......دبئی میں پاک بھارت کرکٹ سیریز پر بات چیت کے بعدچیئرمین پی سی بی شہریارخان اورنجم سیٹھی وطن واپس پہنچ گئے ۔ برطانوی نشریاتی ادارے نے دعویٰ کیا ہے کہ کرکٹ سیریز آئندہ ماہ سری لنکا میں ہوسکتی ہے ۔

آئی سی سی ٹاسک ٹیم کے سربراہ جائلز کلارک کہتے ہیں بین الاقوامی کرکٹ کے وسیع تر مفاد میں پاک بھارت کرکٹ روابط انتہائی اہمیت کے حامل ہیں ۔

دبئی میں پاکستان کرکٹ بورڈ کے چیئرمین شہریار خان اور بھارتی کرکٹ بورڈ کے سربراہ ششانک منوہر کے درمیان ڈیڑھ گھنٹہ بات چیت ہوئی ۔ جو کسی نتیجے پر نہ پہنچ سکی۔

شہریار خان اور نجم سیٹھی وطن واپس آئے تو ایئر پورٹ پر میڈیا سے بات چیت کیے بغیر روانہ ہوگئے ۔ لیکن یہ ضرور کہہ گئے کہ بات چیت سے متعلق جائلز کلارک آج صبح بریفنگ دیں گے ۔

ادھر برطانوی نشریاتی ادارے نےجائلز کلارک کے حوالے سے خبر دی ہے کہ پاک بھارت کرکٹ سیریز آئندہ ماہ سری لنکا میں کھیلے جانے کا امکان ہے۔ یہ سیریز طے شدہ پروگرام کے بجائے 5یا 6محدود اوورز کے میچز پر مشتمل ہوگی ۔