نیویارک......امریکی ریاست کولوراڈو میں فیملی پلاننگ سینٹر میں فائرنگ سے 3 افراد ہلاک اور کم از کم 9زخمی ہوگئے۔ پولیس نے کئی گھنٹے کی کوششوں کے بعد حملہ آور کو گرفتار کرلیا۔

پولیس کا کہنا ہے فائرنگ کی وجوہات کے بارے میں ابھی کچھ نہیں کہاجاسکتا۔

فائرنگ کا واقعہامریکا کی ریاست کولوراڈو میں پیش آیا ۔جہاں ایک حملہ آور نے فیملی پلاننگ سینٹر میں گھس کر فائرنگ کردی۔ گولیاں لگنے سے کئی افراد زخمی ہوئے ۔ اطلاع ملتے ہیں پولیس کی بھاری نفری موقع پر پہنچ گئی اور عمارت کو گھیرے میں لے لیا ۔

سیکورٹی اہلکاروں نے عمارت میں داخل ہونے کی کوشش کی تو حملہ آور نے فائر کھول دیے ۔ جس سے کئی اہلکار زخمی ہوگئے۔

پولس ترجمان کے مطا بق حملہ آور نے 5 گھنٹے تک میڈیکل سینٹر کے عملے اور مریضوں کو یرغمال بنائے رکھا ،اس دوران پولیس حکام حملہ آور کو ہتھیار ڈالنے پر آمادہ کرنے کی کوشش کرتے رہے۔ جس کے بعد اس نے ہتھیار ڈال کر گرفتاری دی۔

پولیس حکام اور شہر کے میئر کا کہنا تھا فیملی پلاننگ سینٹر پر حملے کی وجہ سامنے نہیں آسکی۔ اس سلسلے میں ملزم سے تفتیش کی جارہی ہے۔
وائٹ ہاؤس حکام کے مطابق صدر براک اوباما کو کولوراڈو کی صورتحال سے لمحہ بہ لمحہ آگاہ رکھا گیا۔