05 دسمبر ، 2015 
ایف بی آئی نے کیلیفورنیا فائرنگ کاواقعہ دہشتگردی قراردیدیا
05 دسمبر ، 2015
واشنگٹن......ایف بی آئی حکام نے کیلی فورنیا میں فائرنگ کے واقعے کو دہشت گردی قراردے دیا ہے۔ حملہ ممکنہ طورپرداعش سے متاثر ہوکر کیا گیا تاہم ابھی اس کے شواہدنہیں ملے ہیں ۔
اسسٹنٹ ڈائریکٹرایف بی آئی کے مطابق فائرنگ کرنے والے داعش کے رکن نہیں تھے لیکن ایسا لگتا ہےکہ ملزمہ تاشفین نے داعش کے رہنما سے بیعت کی تھی، واقعے کی تحقیقات کی جارہی ہے۔
ایف بی آئی کا کہنا ہے کہ ملزم رضوان فاروق کے گھر کےقریب کچرا کنڈی سے 2موبائل فونزملے ہیں جنہیں کچل کر خراب کردیا گیا تھا اوراس کا سبب فونز پر موجود انگلیوں کے نشانات مٹانا ہوسکتا ہے۔ان فونز سے ڈیٹا حاصل کرنے کی کوشش کی جارہی ہے ۔
ایف بی آئی کو امید ہے کہ ڈیجیٹل فنگرپرنٹس سے ان کے مقصدتک پہنچنے میں مدد ملے گی۔آج میڈیا کو ملزم سید رضوان فاروق کے گھر کا دورہ بھی کرایا گیا۔
ایک عرب نیوز ایجنسی نے دعویٰ کیا ہے کہ کیلیفورنیا میں فائرنگ کرنے والے دونوں افراد داعش کے ہمدردرتھے۔تاہم یہ نہیں بتایا گیا کہ کارروائی کے پیچھے کیا مقصدتھا۔
مزید خبریں :
