پاکستان
05 دسمبر ، 2015
05 دسمبر ، 2015 
کراچی میں بلدیاتی الیکشن جیتنے پر مختلف سیاسی جماعتوں کاجشن
05 دسمبر ، 2015
کراچی ......کراچی میں بلدیاتی الیکشن جیتنے پر مختلف سیاسی جماعتوں نے جشن منانا شروع کردیا ہے ،کوئی ریلیاں نکال رہا ہے تو کوئی مٹھائیاں بانٹ رہا ہے۔
لائنز ایریا میں ایم کیو ایم کے کارکنان نے چھوٹی سی ریلی نکالی اور خوب نعرے لگائے،شاہ فیصل کالونی میں تحریک انصاف نے خوشی کا اظہار کیا اور کہا کہ اب بنے گا نیا پاکستان ۔ملیر جعفر طیار میں بھی ایم کیو ایم کے کارکنوں نے خوب ہلہ گلہ کیا اور خود ہی اپنی جیت کا اعلان کردیا۔
الیکشن کے بعدکراچی میں کون بنے گا سکندر اس کافیصلہ تو حتمی نتائج آنے کے بعد ہی ہوگا،لیکن مختلف جماعتوں کےکارکنان نے جشن منانے کی تیاریاں بھر پور انداز میںکرلی ہیں۔
