18 دسمبر ، 2015 
شہریار خان کاکھلاڑیوں کی فٹنس پر شدید تشویش کا اظہار
18 دسمبر ، 2015
لاہور.....پاکستان کرکٹ بورڈ کے چیئرمین شہریار خان نے ٹیم مینجمنٹ اور قومی سلیکشن کمیٹی کو ذہنی اور جسمانی طور پر کمزور کھلاڑیوں کو قومی ٹیم سے دور رکھنے کی سخت ہدایات کر دیں۔
متحدہ عرب امارات میں ٹیم پاکستان اور پھر پاکستان اے کو محدود اوورز کی کرکٹ میں انگلینڈ کے ہاتھوں شکست کا سامنا کرنا پڑا جس پر چیئرمین خاصے برہم ہیں اور خاص طور کھلاڑیوں کی فٹنس کے معیار پر شدید تشویش کا اظہار کیا ہے ۔
شہریار خان کا کہنا ہے کہ اب فٹنس پر کوئی سمجھوتہ نہیں کیا جا ئے گا ۔ جسمانی اور ذہنی طور پر فٹ کھلاڑی ہی ٹیم میں شامل ہوں گے ۔ شہریار خان نے 21 دسمبر سے شروع ہونے والے کیمپ کے لیےٹیم مینجمنٹ کو پیغام دیا ہے کہ وہ فٹنس پر فوکس رکھیں،جبکہ سلیکشن کمیٹی کو ہدایت کی ہے کہ غیر معیاری فٹنس کے حامل کھلاڑیوں کو ٹیم سے دور رکھا جائے۔
