بیجنگ ......مشہورِ زمانہ سائنس فکشن ایکشن ایڈونچر اسٹار وارز سلسلے کی ساتویں فلم دی فورس اویکنزکا چین میں پریمیئر کا انعقاد کیاگیا جہاں فلم میں اپنی اداکاری کے جوہر دکھانے والے اداکار ریڈ کارپٹ پر جلوہ گر ہوئے۔

اس موقع پر اپنے پسندیدہ کرداروں اور نامور اداکاروں کو دیکھنے کیلئے مداح بیحد پر جوش دِکھائی دئیے۔

پریمیئر میں جہاں ایک طرف اسٹار وارز کے نامور کردار اسٹورم ٹروپر، آر ڈی-ڈی ٹو، یوڈااورڈارتھ ویڈرکا روپ دھارے مداح ریڈ کارپٹ پر دیکھنے والوں کو انٹرٹین کرتے رہے تودوسری جانب فلم میں جلوۂ گر ہونیوالے اداکار بھی بیحد خوش دکھائی دئیے جبکہ شائقین کی بڑی تعداد میں تھیٹر پہنچی ۔

جے جے ابرامز کی ہدایت کاری میں بننے والی اس فلم کی کہانی اسٹار وارز کے روایتی کرداروں کے گرد گھومتی ہے جو جدید روبوٹس اور اْڑن طشتریوں پرسوار ہوکر نئے خلائی مشنزپر روانہ ہوتے ہیں۔

فلم میںاداکاری کے جوہر دکھانے والے فنکاروں میں جان بویگا،ڈیزی ریڈلے،ایڈم ڈرائیور،آسکر ایساق،اینڈی سرکس،ہیریسن فورڈ اور مارک ہیمل سمیت دیگر شامل ہیں۔فلم 9جنوری کو چینی سنیما گھروں میں نمائش کیلئے پیش کی جائیگی۔