01 جنوری ، 2016 
چین سے کینیڈا جانیوالی پرواز کی ہنگامی لینڈنگ، 21مسافرزخمی
01 جنوری ، 2016
کیلگری........ چین سے کینیڈا جانے والی پرواز کی ہنگامی لینڈنگ کے نتیجے میں 3 بچوں سمیت 21افراد زخمی ہو گئے، تمام زخمی مسافروں کو ہسپتال منتقل کردیاگیا۔
غیر ملکی میڈیا کے مطابق کینیڈا ایئر لائن کا طیارہ فلائٹ ایٹی ایٹ چین کے شہر شنگھائی سے کینیڈا کے شہر ٹورانٹو جا رہا تھا جو کہ راستے میں غیر متوازن ہو گیا۔ جس کی وجہ سے طیارے کو کیلگری اتارنا پڑا، پرواز کیلگری پہنچتے ہی ہنگامی حالت نافذ کر دی گئی اور تمام زخمی مسافروں کو ہسپتال منتقل کردیاگیا۔
حکام نے بتایاکہ پرواز کی ہنگامی لینڈنگ سے قبل ہی پندرہ ایمبولینس ایئرپورٹ پر پہنچ چکی تھی زخمی مسافروں کو اسٹریچر کی مدد سے جہاز سے اتار کر ایمبولینس میں منتقل کیا گیا۔ پروزا میں سوار مسافروں کا کہنا تھا کہ طیارہ بری طرح سے غیر متوازن ہو گیا تھا جبکہ اس دوران طیارے میں ایک خوفناک حالت پیدا ہو گئی تھی لوگ چیخیں مارنے لگ گئے اور ہر طرف شور ہی شور تھا۔
مزید خبریں :
