31 مئی ، 2012 
صوابی سے بازیاب کم سن بچے پشاور ہائیکورٹ میں پیش
31 مئی ، 2012
پشاور… ضلع صوابی سے بازیاب ہونے والے دو کمسن بھائیوں کو پشاور ہائی کورٹ میں پیش کردیا گیا تاہم مقدمہ کی سماعت نہ ہوسکی۔ چار سالہ سدیس اور پانچ سالہ احمد کی تحویل کا مقدمہ پشاور ہائیکورٹ میں زیر سماعت ہے۔ ہائی کورٹ کے ا حکامات پر ایف آئی اے نے ٹوپی صوابی سے دونوں بچوں کو بازیاب کرایا ہے جن کو آج عدالت کے روبرو پیش کیا جانا تھا۔ تاہم جسٹس عظمت اللہ ملک کی وفات سے کیس کی سماعت نہیں ہوسکی۔ بچوں کی تحویل سے متعلق کیس بچوں کی والدہ نے دائر کرکھی ہے جس کا تعلق کرغیزستان سے ہے۔ بچوں کے والد شوکت نے بچوں کو کرغیزستان سے پاکستان بھیج دیا تھا جویہاں اپنی پھوپھی کے گھر رہائش پذیر تھے۔ پولیس کے مطابق بچوں کا والد برطانیہ فرار ہوچکا ہے جبکہ بچوں کو آئندہ سماعت تک چائلڈ پروٹیکشن سینٹر کے حوالے کردیا گیا ہے۔
مزید خبریں :
’ وی آئی پی میچ میکنگ‘ سروس کیا ہے اور اسے کس طرح حاصل کریں؟
03 اپریل ، 2025
افغان مہاجرین کی بے دخلی کا سلسلہ شروع، اقوام متحدہ کی سخت تشویش
03 اپریل ، 2025
وزیراعظم نے بجلی کی قیمت میں بڑی کمی کا اعلان کر دیا
03 اپریل ، 2025
